مسكات غلط !

كذبه أبريل بالغلط :P

السلام عليكم ,

طبعًا كان بودي أني أكتب هذي التدوينه في مدونتي لكن مع الأسف ما اشتغلت معي » نحس :P

قبل أمس كنت عند واحد مارح أقول أسمه „ لكن رح نرمز له بالرمز س » قلبها رياضيات هههههههه

المهم „ انا كنت منقهر من ولد عم س „ ورح نرمز له بالرمز ق „ 

قلت لصديقي س وش رايك نسوي مقلب بولد عمك ق „ 

قال لي طيب خلاص , بس تراه عارف كل حركاتك „ 

طبعًا للمعلوميه „ الأخ ق مره ضحكت عليه وأرسلت له رساله من الإنترنت بإسم موبايلي وكتبت فيها انه الرجاء دفع المبالغ المستحقه 8232 ريال وإلا سوف يتم فصل الخط „ وهو طبعًا صدق ودق على موبايلي ودبر واسطهه مشان يلغي هذي المبالغ ههههههههههههههههه

„ المهم „ رحت دقيت على الأخ ق „ وغيرت صوتي وقلت له 

انا : السلام عليكم 

- ق ( الضحيه ) : وعيكم السلام ورحمه الله وبركاته „ 

انا : يا اخوي معاك عبدالعزيز أحمد من الجميح فرع جده ( عاد مدري اذا فيه جميح في جده ولا لأ مدري كيف طلعت معي والحمد لله انه ما اكتشفها هههههههه ) 

-ق : عفوًا بس من معي ؟؟

(( انا طبعًا طلعت الإسم من راسي ونسيته لحظتها فما عرفت وش اقول له هههههههه )) 

انا : ااا شسمه المهم معاك واحد من الجميع , 

(( هنا ضحك صديقي س وانا ضحكت وقفلت الخط مشان ما ننكشف ))

رجعت دقيت عليه قلت له : معليش بس معانا واحد بالمكتب جالس ينكت علينا 

-ق ايوه طيب خير ايش في 

أنا : لا بس حبينا نستفسر منك اذا تعرف واحد اسمه (( س )) „ لأنه فاز معانا بكمارو 2010 عن طريق مسابقه سويناها على الفيسبوك وهو حاط رقمك الرقم البديل ورقمه الأساسي مارد عليه „ فتقدر تكلمه لنا تخليه يدر على جواله مشان نشحن له السياره

-ق : (( هنا بدأ يستهبل وسوا انه مايعرف ولد عمه س „ )) 

المهم قالي لا ما اعرفه بس رح احاول أكلمه » هنا انا شوي واضحك على الكذب ههههههههههههه

(( المهم „ دق على س يمكن 4 مرات و ( س) مارد „ المهم „ دق على أبو ( س) ورد عليه وقال له ابوه والله ما ادري عن هذي المسابقه شي „ 

رجعت دقيت عليه قلت له معليش بس ترا معاك ساعه „ لأن بعد ساعه رح نقفل واذا مارد رح نعطيها لواحد ثاني „ 

-ق : طيب خلاص ماعليك بس يعني ايش يأكد لي انكم من الجميح ؟؟

انا : قلت له تعال للجميح فرع حي النزهه ( مدري من وين طلع معي النزهه ههههههه ) „ ورح تلقى الكمارو معروضه وعليها اسم الأخ س „ 

„ 

قفلت الخط „ وقلت لـ ( س ) يدق على الضحيه ويسوي صوته كأنه نايم „ 

س: ايوه ايش في داق علي ؟؟ 

ق ( الضحيه ) : س مبروووك فزت بسياره يلا يا ( س ) دق عليهم بسرعه يلا يلا قبل لا تروح عليك بسررعه استعجل 

س: اي سياره ؟؟ 

-ق : سياره كمارو 2010 ياخي بسررعه دق „ 

س: بالله ؟؟ انا كنت مشارك بمسابقه وكانت الجائزه الأولى كورفيت والثانيه كمارو وفي رقم غريب داق علي 5 مرات !! 

-ق : يلا بسرررعه كلمهم يلا مع السلامه „ 

„ 

وقتها اتصلت على الضحيه وقلت له ها وش صار معك ؟؟ 

قال لي الحين يكلمك هو „ 

بعد شوي يدق الضحيه ويقول لـ س : هاه كلمتهم ؟ اذا اخذتها عطنياها يوم „ وانا الحين جاي عندك „ 

قلت لصديقي س „ وش رايك نسوق الكذبه عليه مده أطول ؟؟ قال لي لا يمكن يرتفع ضغطه علينا ههههههههه

المهم جا ق وماكملنا المقلب „ لكن أهم شي اننا مشيناها عليه بالبدايه وهو صدق هههههههه

„ 

الزبده : لا فكرت انك تسوي مقلب „ سجل سيناريو „ والأسماء „ لا تنسى اي شي 

وسجل المكالمه مشان تمسكها عليه 

وحاول انك تدرس حالته الصحيه مشان لا يرتفع ضغطه :P

واتصل عليه من ارقام مميزه مشان يصدق اكثر وأكثر 

وحاول أنه مايكون حولك أحد مشان مايضحك „ واذا ضحك حاول انك تبرر له انه في واحد جالس ينكت عليك „ 

غير صوتك مشان يصير يشبه أصوات الموظفين حقين الإتصالات ههههههههه

ومقالب سعيده للجميع :P

— بالنسبه لكذبه ابريل „ وموعد المقلب „ تراها جات بالصدفه „ 

كيف يصلي الصينيون الفجر؟

indooo:

من بريدي

====

السلام عليكم ورحمة الله وبركاته

جلس الداعية أمام الشيخ يحكي له تجربته الدعوية .. ومن حوله مجموعة من جنود الكتيبة الصينية المشاركة في حرب الخليج الثالثة .. وكان الشيخ قد أطرق برأسه إلى الأرض ليصغي باهتمام والداعية يحدثه قائلاً: لقد قدِمَ هؤلاء للمشاركة في عمليات المساندة في شمال المملكة السعودية ..

وكان لزاماً علينا نحن الدعاة إلى الله أن ندعوهم إلى الإسلام .. وأن نخرجهم من ظلمات الشرك والظلام ومن عبادة بوذا و كونفوشيوس وغيرهما من الأصنام إلى عبادة الله الواحد الأحد . وقد وفقنا الله سبحانه وتعالى في مهمتنا .. فأسلم عدد لا بأس به من هؤلاء .. وصرنا نعلمهم أركان الإسلام .. وندرسهم واجباته وفروضه .. وبدأوا بالفعل في أداة الصلوات في أوقاتها بعيداً عن قادتهم وكبرائهم .. ولم تكن المشكلة في صلاة الظهر أو العصر أو المغرب أو العشاء .. ولكن واجهتهم المشكلة في صلاة الفجر !!!!…

فعندما عَـلِم قادتهم بتجمعهم في خيمة واحدة ليتناوبوا السهر كي لا تفوتهم صلاة الفجر : فرقوهم بين الخيام … فأخذ كل منهم ساعته المنبهة معه .. فلم يلبث قادتهم إلا وصادروها منهم أيضا !!!!.. وكلما وجدوا طريقة للاستيقاظ قبيل الفجر لأداء الصلاة في وقتها حاربهم هؤلاء القادة وسدوا عليهم المنافذ والأبواب … وفجأة توصلوا لطريقة غريبة ومبتكرة للاستيقاظ !!! ..!

وإذا بالشيخ ينظر باهتمام أكثر للداعية المتحدث .. وللجنود الجالسين حوله والذين ينظرون إليه بإكبار وإجلال ، وواصل الداعية كلامه قائلاً: لقد قرر كل واحد من هؤلاء شرب كميات كبيرة من الماء قبيل النوم لكي يستيقظ للذهاب للخلاء في الليل .. ومن ثم ينظر إلى ساعته ويعلم كم بقي من الزمن لصلاة الفجر !!!!.. فإن قارب الوقت : انتظر وصلى .. وإلا : شرب كمية أخرى من الماء !!!.. ومع تكرار التجربة عشرات المرات : استطاعوا تقدير الكميات المناسبة من شرب الماء التي تجعلهم يستيقظون في وقت : يكاد يقترب من وقت الفجر !!.. وبذلك استطاع كل منهم أن يؤدي صلاة الفجر في وقتها !!!!..

. وعندها نظر الداعية إلى وجه الشيخ : فإذا عيناه تذرفان !!!!!… فهؤلاء هم حديثوا عهد بالإسلام .. فبلغ حبه في قلوبهم هذه الدرجة العالية … فلماذا يا ترى ؟!… هل لأنهم عرفوا الجاهلية وفسادها .. ومن ثم علموا الإسلام وسعادته فتمسكوا به ؟؟..

فأين نحن من هؤلاء ؟!!……… بل وللأسف الشديد : مِنا مَن لا يصلي الفجر البتة .. بل وقد يسمع الأذان من المسجد القريب من بيته ولا يُجيب بغير عذر .. بل وقد يسخر من عباد الله الذين يؤدون هذه الصلاة الجليلة في جوف الليل .. ويظن أنهم قد فوتوا على أنفسهم الراحة ومتعة النوم .. وأنه هو الفائز بها !!!!.. بل وهناك من لا يصلي فرض ربه بالكلية .. لا ليلا ولا نهارا ولا حول ولا قوة إلا بالله العلي العظيم ..

يقول الله عز وجل : ” أن تقول نفس : يا حسرتي على ما فرطت في جنب الله .. وإن كنت لمن الساخرين ” .. الزمر – 56